Miami. – ’n Kleuter van Florida is Woensdag deur ’n Birmaanse luislang van 3,6 m lank doodgewurg nadat die slang glo uit ’n tenk in haar ouerhuis ontsnap het.

Die dier se eienaar, die kêrel van die kleuter se ma, het die slang bo-op die meisie (2) in die landelike gemeenskap Oxford, sowat 80 km noordwes van Orlando, gevind.

Die eienaar het die slang met ’n mes gesteek, maar die kind was dood toe die nooddienste opdaag.

“Dit is ’n baie seldsame gebeurtenis,” het me. Patricia Behnke van Florida se vis-en-natuurlewekommissie gesê. – Reuters