’n Gees van opwinding het Donderdagmiddag in die Kaapstadse middestad geheers toe die spanne wat aan die Indiese Premier Liga (IPL) deelneem, aan ’n optog deelgeneem het.

Bekendes soos die oud-Springbokkaptein, Francois Pienaar, was ook daar.

Krieketlegendes soos Jonty Rhodes en Shaun Pollock het op die vlotte gery en Shahrukh Kahn, ’n gewilde Bollywood-ster, het sommige meisies in die skare se dag gemaak.